رواية زوجة حبيبي الفصل الـ 1 و 2 و 3 بقلم سولية نصار

رواية زوجة حبيبي الفصل الـ 1 و 2 و 3 هى رواية قصيرة الكترونية رواية زوجة حبيبي الفصل الفصل الـ 1 و 2 و 3 نشر لاول مرة على موقع التواصل الاجتماعي فيسبوك رواية زوجة حبيبي الفصل الفصل الـ 1 و 2 و 3 من تأليف سولية نصار رواية زوجة حبيبي الفصل الفصل الـ 1 و 2 و 3 نالت اعجاب الكثيرين علي فيسبوك لذلك سنعرض لكم رواية زوجة حبيبي الفصل الفصل الـ 1 و 2 و 3

رواية زوجة حبيبي الفصل الفصل الـ 1 و 2 و 3

الاول 1

-انا متجوز !

قالها فجأة ...حسيت الدنيا دارت بيا وانا ببصله.وبقول:

-مروان انت بتهزر معايا صح.؟!!

سكت فضحكت وانا بضر*به علي أيده وقولت:

-هزارك بايخ علي فكرة ....

بلع ريقه وبصلي وقال:

-انا فعلا متجوز يا جودي ...من حوالي سنة .....

عينيا دمعت وانا ببصله ...لا ده اكيد بيهزر مش حقيقي ... ازاي يعني ...

-انا كلمت اهلي علي اساس هتيجي تتقدملي الاسبوع ده عارف يعني ايه  ؟!!

-عارف

قومت وصرخت فيه لحد ما كل اللي في الكافيه بصوا علينا :

-وجاي بعد ست شهور من ارتباطنا ببعض   تقولي  انك متجوز ...مفتكرتش تقولي قبل كده ليه ؟!!

-جودي حبيبتي اهدي...

قالها وهو بيبص حواليه بخجل 

-مش هتزفت اهدي 

صرخت فيه وانا بعيط وقولت:

-انت انسان حق*ير ...طول المدة دي كنت بتستغفلني ...مفهمني انك اعزب وانت متجوز ...طب أنا ايه في حياتك كنت نزوة وبعدين ترجع لمراتك ...

قام ومسك أيدي وقال:

-افهميني بس ...

زقيت أيديه وانا بعيط وقولت:

- مش عايزة افهم ولا عايزة اشوفك ...حسبي الله ونعم الوكيل فيك يا شيخ ك*سرت قلبي وفرحتي ...

وبعدين مشيت من الكافية وانا بعيط ...

...

قعد مروان علي الكرسي وهو متضايق ...مكانش لازم يعترفلها دلوقتي ...كان يستني شوية يمكن تتفهمه ...ليه مش مقدرة أنه بيحبها...صحيح غلط غلطة كبيرة ...بس كان لازم تسمعه ...تعرف ظروفه وتعرف أن حورية بنت عمه اللي اتفرضت عليه لكن هو مش بيحبها ولا حاجة. ..

غمض عينيه بآسي وقرر يكلمها ويفهمها كل حاجة ...

... 

كنت ببكي وانا في حضن ماما ..حسيت قلبي بي*تقطع ...أنا حبيته ليه كد*ب عليا بالشكل ده ...ليه خد*عني ...فهمني اني الوحيدة اللي في حياته ...كنت مصدومة من مروان اللي حبيته...مروان اللي كان احن شخص عليا هو اللي يقت*لني بالطريقة دي ...

طبطبت امي عليا وقالت:

-خلاص يا جودي...ميستاهلش دموعك يا حبيبتي .. والحمدلله أننا عرفناه قبل ما تتجوزيه ...

-انا بحبه يا ماما ...للاسف رغم أنه ك*سرني بس لسه بحبه 

-ميستاهلش حبك يا حبيبتي ...وهتنسيه متقلقيش ...

باست امي دماغي وقالتلي ارتاحي دلوقتي يا جودي وانسي ...

وبعدين طلعت ماما وسابتني...

حطيت راسي علي المخدة  وطلعت موبايلي وفتحته لقيت رسايل كتيرة منه قفلت الموبايل تاني وانا بعيط ...

.....

راح مروان البيت لقي ابوه قاعد مع حورية مراته ...

بهت شوية بس ابتسم وقال:

-اهلا يا ابويا ..انت جيت امتي من البلد 

وراح وسلم عليه وباس ايديه...

ابتسم الحج حافظ وقال:

-جيت من شوية كنت حابب اعملها مفاجأة ليكم وجيت اطمن علي حورية معاك ...

بص علي حورية وقال :

-هي اشت*كتلك مني ؟!

-لا يا ولدي هي بتقول عنك كل خير ...

ابتسمت حورية بحزن وهي بتبصله بس هو اتجاهلها وقال :

-طيب انت اتغديت ...

قامت حورية وقالت:.

-كنت مستنينك ثانية واحدة وأحط الاكل.  

وقامت بسرعة ...

قعد مروان جمب ابوه بسرعة وقرر يقوله :

-فيه حاجة ضروري تعرفها ...

بصله أبوه وقال بتوجس:

-مالك يا واد فيه ايه ...

سكت شوية بتوتر وقال :

-انا بصراحة كده مش مرتاح مع حورية ...

-يعني عايز تطلقها 

قالهالوا أبوه بعتاب وصدمة فهز مروان رأسه وقال:

-ممكن أو اتجوز عليها ....أنا بصراحة كده بحب واحدة تاني !!!

ومن بعيد كانت حورية واقفة حاطة ايديها علي بوقها وبتعيط والايد التاني حطاها علي بطنها وقالت بهمس:

-انا كنت هبشره بيك النهاردة !!! 

يتبع

الثاني 2

-الاكل جاهز ..

قالتها حورية بإبتسامة وهي بتحاول متعيطش ...بصلها مروان بتوتر بس لما لقاها بتبتسم ارتاح أنها معرفتش حاجة  ...

هز أبوه رأسه وقاموا عشان ياكلوا .....طول الاكل أنا أبو مروان بيبصله بتوتر ومروان كمان ...بس حورية الوحيدة اللي كانت حاطه عينيها في طبقها وبتاكل بهدوء من غير كلام ...بس عقلها مكانش ساكت كانت في دوامة هي كانت عارفة للاسف أنها اتفرضت عليه وأنه اتجوزها إكراما لأهلها لأنها بقت وحيدة بعد وفاتهم بس افتكرت انها هتخليه يحبها وفعلا حاولت ولما لقيته بدأ يقرب منها افتكرت انها نجحت بس في اس*وأ كواب*يسها متخيلتش أنه خلاص لقي حبه الحقيقي....والمصيبة الاكبر أنها اتربطت بطفل منه ...هل يا تري هتتحمل أن واحدة تانية تشاركها فيه ..ده السؤال اللي كانت خايفة منه رغم أنها متقدرش تمنعه لان ده حقه ...حقه يختار اللي بيحبها ...اتنهدت بأل*م ...اخد باله مروان منها وبصلها ...دي اول مرة حورية متدهوش اهتمام كالعادة ...صحيح اهتمامها كان بيخنق بس كان لطيف ...فكر لثواني انها عرفت وخاف ...خاف أن مشاعرها تتأ*ذي ...هو اذا*ها كتير ببروده ومش عايز يأذ*يها تاني ...كفاية اللي عمله في جودي ...اتنهد وهو بيفكر في جودي ...ازاي هيصلح الوضع معاها...بس هيحاول لحد ما تسامحه وبعدين يشوف حل عشان تبقي معاه من غير ما يأذ*ي حورية!

........

تاني يوم ...

وصل مروان أبوه الاتوبيس عشان يروح البلد ...مسك أبوه أيده وقال:

-بص يا ولدي لحد دلوقتي ضميري بيو*جعني عشان مقدرتش اتكلم لما جدك جبرك علي حورية عشان كده المرة دي هخليك تعمل اللي انت عاوزه بس فكر متخ*ربش بيتك. ..حورية طيبة وبتحبك وانا واثق انك مش هتلاقي حد يحبك زيها ...صح من حقك تتجوز تاني وتالت ومن حقك تتجوز اللي بتحبها بس فكر كويس لانك ممكن تخس*ر حورية انت مستعد تخرب بيتك وانت ذات نفسك معترف أن حورية ميع*بهاش حاجة. ..

اتنهد مروان وقال:

-ربنا يسهل يا بابا. ..متقلقش هعمل المستحيل عشان مظل*مش حورية. ..

.......

في بيت مروان ...

كانت حورية بتكلم اختها  علي الموبايل وهي بتعيط وحكتلها كل حاجة  ...

-طيب وقولتيله انك حامل 

-لا 

-ليه يا حورية ...

مسحت حورية دموعها وقالت:

-مش عايزة اشكل ضغط عليه ...هو ملوش ذنب كلنا عارفين أنه كان مجبور يتجوزني ...واهو حب واحدة تانية أنا الافضل اني اختفي من حياتي و ...

-بطلي هبل تختفي فين ؟!!ده جوزك ابو ابنك وانت بتحبيه ...انتي اولي بيه حاولي تكسبيه

-حاولت كتير ..

-لا أنا هقولك علي طريقة احسن اسمعي يا ستي ...

.......

كنت طالعة من شغلي لما وقفت واتجمدت وانا بشوف مروان ...جيت امشي جري عليا ومسك أيدي ...نفضت أيده بعصبية وقولت:

-انت جاي تفض*حني في شغلي !!

هز رأسه وقال:

-والله ابدا ....جودي ابوس ايديكي اسمعيني وبعدين قرري بلاش تظلميني ...ابوس ايديكي اديني فرصة أخيرة ...

سكتت وانا بفكر اسمعه لآخر مرة !!

.......

قعدنا في كافيه وحكالي كل حاجة ...ازاي إن أهلها ما*توا وبقت وحيدة وجدهم قرر أن مروان لازم بتجوزها وان محدش يقدر يعارض جده في حاجة  ...

بعد ما خلص قعدت ساكتة ودموعي بتنزل بصمت 

-جودي اتكلمي قولي لي حاجة 

بصتله بلوم وقولت:

-اقول ايه يعني 

بلع ريقه وقال:

-انا بحبك والله وكل اللي عايزة اتجوزك 

-وهتطلق مراتك 

قولتها فجأة ...

ارتبك وقال:

-مش هظل*مك ولا هظ*لمها أنا ...

غمضت عيني وانا بقول بأ*لم:

-بس أنا مقبلش تكون ليا ضرة يا مروان صدقني مش هقدر استحمل  !

يتبع

الثالث 3

-انتي عايزاني اطلقها ؟!

قالها وهو مصدوم ...بهت وبلعت ريقي وقولت :

-انا مقولتش كده أنا بقولك مستحيل تبقالي ضرة ...مقدرش استحمل ...

-طيب وهنتجوز ازاي ...انتي مش بتحبيني ...

بصتله بو*جع ...كنت حاسة نفسي في متاهة كبيرة ..ولقيت الكلمات خرجت من بوقي... معرفش خرجت ازاي ..وازاي قولت كده :

-هي من حقها تلقي اللي بيحبها ويهتم بيها فلو طلقتها انت بالعكس بتحررها من شخص مش بيحبها عشان تلاقي شخص تاني يقدرها ...

حسيته بهت واتصدم ...معذور انا كمان اتصدمت من كلامي ....كنت انا*نية جدا بس أنا حبيته اوووي وكنت مك*سورة ...مجر*وحة مفكرتش في كلامي اللي بقوله 

-انتي بتقولي ايه ؟!! انتي واعية لكلامك ! ده بنت عمي قبل ما تكون مراتي ...

صرخت فيه وقولت:

-كان مفروض تقول كده قبل ما تخو*نها وتمشي معايا ...ايه مفتكرتش ساعتها ولا بتدي حق ليك أنك تحب وهي لا  ...عايزني أنا وعايزاها هي ...لكن لا لاما أنا لا هي يا مروان انا مقبلش ضرة ولا هقبل ...أنا مش ناقصة عشان اتجوز واحد متجوز يا مروان كرامتي متقبلش ان واحدة تشاركني فيك ...يبقي بكدة النهاردة كل واحد مننا في طريق وياريت متقربش مني تاني ....

اخدت شنطتي ومشيت وانا ببكي ...معرفش تأثير كلامي عليه ايه ...كان جوايا صرا*ع ...صرا*ع ان هو من حقي ما دام بيحبني وبحبه وان لو طلق مراته هيكون احسن ليها ما تعيش مع واحد مش بيحبها ...بس فيه جزء تاني مطلعني اني بش*عة...عايز اد*مر حياة انسانة لمجرد اني بحبه ...بفرض عليه انه يسيبها عشان يتجوزني ...الص*راع جوايا كان قوي ...كنت حاسة اني مضغوطة ودماغي هت*نفجر من التفكير بس كل اللي كنت عارفاه اني مستحيل اوافق اني اتجوز مروان وواحدة تانية مشاركاني فيه ...ده كان مرفوض تماما ...كرامتي مش هتسمح بكدة ...قلبي مش هيسمح بكده ...بس برضه مش هقدر ابعد عنه أنا اكتشفت اني بعشقه ...كنت بتمني النهاردة يقولي هطلقها وساعتها كنت هسامحه علي اللي عمله واوافق عليه ...بس هو اتمسك بيها وده اللي  جنني ...هو مفروض مش بيحبها واتجبر عليها ...طب بيه متمسك بيها .. هزيت راسي عشان افضي الافكار دي أنا قولتله شروطي وهو حر رغم ان حاجة جوايا بتعارضني وتقول اني انان*ية...بس من حقي ابقي سعيدة ومن حقي حبيبي يكون ليا لوحدي ....

 ........

رجع مروان بيته وهو متضايق ...لقي البيت مترتب كالعادة و حورية قاعدة علي التلفزيون ومبصتش عليه حتي ...وده كان غريب لانها اتعودت دايما تستقبله وتهتم بيه ..

-حورية أنا جيت 

مردتش عليه فرفع حواجبه بدهشة وقرب منها وقعد جمبها وقال:

-انتي مش سمعاني 

-مفروض اتجاهلك دي خطة 

-ايه

استوعبت اللي قالتله فقالت بسرعة :

-ابه أنا قولت ايه ...لا يا غالي متاخدش في بالك كنت مركزة في التلفزيون ..الاكل بتاعك في المطبخ طلع وكل ...

بصلها بدهشة ...بقالها يومين متغيرة معاه ومش عارف السبب ...اتردد يتكلم معاها بس حب يفتح الموضوع ويشوف رد فعلها:

-حورية أنا لو قولتلك اني ناوي اتجوز هتعملي ايه ...

-هقولك ألف مبروك يا اخويا ربنا يهنيك ...

بصلها بذهول ومكنش فعلا متوقع ان ده يكون رد فعلها ..

.......

بالليل

كنت قاعدة في اوضتي بقلب في النت بملل في محاولة اني انسي مروان لما بابا دخل عليا وقال بإبتسامة:

-ابن عمتك يوسف متقدملك يا جودي!!

يتبع

لو عايزة تدخلي قناة التلجرام بتاعتنا اضغط هنا

تابعى صفحتنا على الفيسبوك عشان تبقى اول واحدة تقرأ البارت اول ما ينزل صفحتنا على الفيسبوك من هنا

 لو حابب تدخل جروب الواتساب بينزل عليها الفصول اول باول اضغط هنا