تحميل كتاب سترونج ماما mom pdf نور الهدي مجانا

تحميل كتاب سترونج ماما mom pdf نور الهدي مجانا و كتاب نور الهدي هو كتاب ورقي باللغة العربية من تأليف المؤلف المميز نور الهدي وصدر كتاب سترونج ماما mom عن دار نشر خاص للنشر والتوزيع ومن الجدير بالذكر ان كتاب سترونج ماما mom لم يكن اولي اصدارات الكاتب نور الهدي بل سبقه اصدارات اخري اهمها عجوز عشرينية وحاز الكتاب علي اعجاب فئة كبيرة من القراء وعدد صفحات كتاب سترونج ماما mom هو 152 صفحة

اسم الكتاب : سترونج ماما mom

لغة الكتاب : العربية

تصنيف الكتاب : تعليمية

حالة الكتاب : غير متوفر

سعر الكتاب : 60 ج.م

ملخص كتاب سترونج ماما mom

كتاب لكل أم عندها ولد مش بنت

هيمشي معاكي في رحلتك

هيقدملك أسباب وحلول لتحديات بتقابليها وهتقابليها مع طفلك حتى 7 سنين

أول ما بتبقي أم بتغرقي في النصايح من كل اللي حواليكي في كل الاتجاهات وكل التفاصيل

ولو انتي أم لأول مرة بيبقى عندك آمال كبيرة وطموحات كتيرة ومحتارة تبدأي ازاي وتبدأي منين

ولو أنتي أم لولد بتبقي نفسك تشوفي ابنك أحسن راجل في الدنيا

وبردوا خايفة تكوني الأم اللي يتقال على ابنها ده ابن أمه

دماغك كلها علامات استفهام وزحمة أفكار

محتارة بين كلام مامتك وكلام حماتك تسمعي كلام اخواتك ولا كلام سلايفك

مش عارفة ايه الصح وايه الغلط

لحد ما قررتي تجربي حل تاني

جربتي تسألي الامهات على الـفيسبوك

دخلتي جروبات كتير واحتارتي بين الأراء والنظريات والمدارس المختلفة

مبقتيش عارفة تمشي ورا كلام مين

كل ما تيجي تجربي أسلوب أو طريقة تظهرلك مشاكل وتحديات ومغامرات جديد

مش عارفة تحليها ازاي

نفسك حد جرب يجيبلك الخلاصة ويقولك تعملي ايه

تعبتي وزهقتي وبتقولي ياااااه مش لو كان نزل معاه الكتالوج بتاعه كنا ارتحنا

نفسك حد يمشي معاكي خطوة بخطوة

أنا جيبالك الكتالوج

جيبالك الخلاصة

كتاب سترونج Mom

دليلك في رحلتك لبناء رجُلك الصغير

في الكتاب جيبالك 5 طرق في رحلتك في تربية ابنك

في ال5 طرق جيبالك حلول لتحديات ومغامرات بتقابليها وهتقابليها

في الكتاب هتعرفي إزاي تحليها وتعدي فيها

وهتلاقي نفسك فاهمة وواعية للمرحلة اللي أنتي فيها

في كل طريق بقدملك وعي جديد ينورلك طريقك علشان تستمتعي برحلتك

وتبني رجُلك الصغير

هخدك في رحلة للتحديات اللي جواكي اللي موقفاكي ومعطلاكي وفاكرة أن حياتك وقفت علشان

"بقيتي أم"

في أول طريق

بقيت أم

هتبني علاقتك بنفسك وهتطبطبي على نفسك

هتعرفي انك أم شاطرة

وأنا متأكدة أنك شاطرة مادام وصلتي لهنا

وهتعرفي ازاي تلاقي وقت لنفسك

وبعدها للطريق التاني

ابني ابنك

اجابات بتنور لكل علامات الاستفهام اللي بتدور في دماغك

إزاي أبني إبني؟؟؟

وازاي أشوف ابني احسن راجل في الدنيا

للطريق التالت اللي كل أم بتخاف تدخله

الـPotty Training

ماشية معاكي فيه خطوة خطوة لحد ما تخلصيه

نيجي للطريق الرابع

ما قبل المدرسة

من أول ما تفكري تدخليه الحضانة

وازاي تختاري أفضل حضانة

وبعدها ايه أنسب سن يدخل فيه المدرسة

وهفضل معاكي لحد ما يبقى عنده واجبات في المدرسة

ونوصل للطريق الخامس والأخير في رحلتنا

" تعديل سلوك "

علشان تقدري تصلحي علاقتك بابنك وتعدلي سلوكياته

من غير ما تحتاجي ولا تدوري على اخصائي تعديل سلوك

وتخلص رحلتك في الكتاب

بس هيفضل مـكمل معاكي دليلك طول رحلتك في تربية

رجُلك الصغير

بعض المعلومات عن الكاتبة نور الهدي

بحب الأطفال وبشتغل مع الأطفال من وانا عندي 10 سنين

كنت في التجمعات العائلية تلاقيني الطفلة اللي بتجمع الاولاد الصغيرين حواليها وتلاعبهم وتأكلهم

ولما بقيت 12 سنه بقيت بحفظ قرآن للأطفال الأصغر مني في الأجازة

واستمريت لحد ما خلصت ثانوية عامة بستثمر أجازتي إني أحفظ قرآن للأصغر مني وأشترك في ورش فنية في قصور الثقافة

وجه معاد الكلية دخلت كلية رياض أطفال " التربية المبكرة حاليا "

كنت ببص للدكاترة والاساتذة بتاعتنا بلمعة عين وإعجاب غريبة وكتير اتمنيت اكون زيهم

خاصة دكتورة /سهير كامل أحمد

كانت بتتكلم عن الأطفال والصحة النفسية للطفل بطريقة حببتني في دراسة المجال ده أكتر

: كانت دايما في محاضراتها بتقول

لا يوجد أطفال مشكلون يوجد أباء مشكلون . د/سهير كامل أحمد

واتخرجت والحمدلله

ومن وقتها وأنا بشتغل مع الأطفال

وبدأت أتعامل كمان مع أمهات الأطفال

كنت بتبسط جدااا لما أم تطلب مني مساعدة مع ابنها وانها مش عارفة تحل مشكلة مقبلاها معاه

وكنت بتبسط أكتر لما الأم تلاقي نتيجة مع ابنها بسبب نصيحة أو مساعدة قدرت اساعدها بيها

كان أصحابي اللي معاهم أطفال بيخدوا رأيي في مشاكل مع أولادهم

وكمان أمهات أصحابي كانوا بيتصلوا بيا علشان أكلم ولادهم وأقنعهم بحاجة هما مش عارفين يقنعوهم بيها أو يتكلموا معاهم فيها

كان كل مرة بيتأكدلي أن المشكلة اللي بتظهر على الطفل مش مشكلة عند الطفل نفسه

دي بتكون نتيجة الطريقة اللي بيتربى بيها الطفل أو مشكلة مع اللي بيربوه سواء الوالدين أو المدرسين

اشتغلت في مدارس حكومية وخاصة في مصر وبرة مصر واشتغلت في كيدزانيا

وبعدين اتجوزت بدأت أدرس وآخد courses

تساعدني أكون أحسن

coursesو

تانية في التربية تساعدني أربي ابني احسن

بدأت أجيب

BestSeller Books

واقرأ آخر دراسات وآخر أبحاث في تربية الأطفال

لحد ما لقيت إن تربية الأولاد " الذكور " ليه كتب ودراسات متخصصة وكلها أجنبية

بدأت أقرأها وادرسها